Commento ai sospiri...di Delfina

Quanno 'a jurnata passa
chello ch'è stata é stata
speranno ca dimane
sarrà diversa,
ma pò rituorne 'e pressa
a fà chello ch'ja fà'.

'A ggente sta aspettanno,
tarde nun può arrevà.
E accumminciammo 'a stessa vita
chi sa ancora quanta vota
e gira ancora 'a rota,
ma allora c'aggia fà ?

Ati penziere,ati ccanzone
tornano a cantà dint'a stu core.
Chi sa si te n'adduone
ca io te voglio bbene ?
Chi sa si me ne more
e faccio bbuono, oj ni ?

Si tu nun me 'o perduone
peggio pe te
ca nun t'accuorge 'e me 
o te n'accuorge tarde
e me daie sempe ll'uorge
invece d''o cafè.

G. Ruocco (04/07/2014) h 05.59

Inserita nella raccolta 

"Nu juorno comme a n'ato"

* I sospiri sono stati pubblicati in Ruoccotribu in data 04/07/2014