A Onna aonna…

A Onna aonna…

                                          
                                      A Onna aonna

nu mare ‘e chianto.

‘E ccase scarrupate

nun se so’ accuitate ancora

e ogne juorno more

qualcosa sbracannese pe terra.

                                     Tristezza maje fernuta

pe nu suspiro ‘e sole

c’’o cielo è  nu culore

c’attuorno poche  sanno.

Ce vo’ nu core tanto p’’o capì!

Na gioia ca ‘int’’a ll’aria

cresce sempe cchiù assaje

pe fà scurdà ‘o chianto

ca semmena ‘a muntagna,

c’ancora nun piatisce.

Chi ‘o vò capì, ‘o capisce,

ma chi se cumpiatisce

nun cerca ‘a cumpiatenza

e chi le dice jesce,

ma è ‘o primmo a nun partì.

Gioacchino Ruocco

Ostia Lido  09/06/2015

Inserita nella raccolta “Forever…”