Via dei Fori imperiali.
Passanno pe
sti vie chello ca resta
è nu triato ca fa felice ‘o core
e ll’anema s’attarda a ce penzà.
A chellu poco ch’è rimasto all’erta
ll’idea che m’aggio fatto ereno
cose
c’ancora ogge ce vò ‘o tiempo a
farle
e na cuscienzia ca a nuie forse
manca.
Sarrà comme sarrà, ‘e guerre,
ammiria,
‘a gelusia ‘e chi nun trova pace
‘o tiempo ha sgarrupato quase
tutto
c’’o viento, ‘o friddo e ‘o sole
e cu ‘e parole e cu ‘e penziere ‘e
chille
ca se sceppeno ‘e capille
a fforza ‘e ragiunà pe fa
scintille
facennene ricorde sulamente
c’’a ggente passa ‘e guarde e
pporte a mmente
penzanno a ch’era stata sta
città.
Grandezza ‘e uommene
capace ‘e girà ‘o munno.
Luntane juorne e juorne,
parteveno guagliune, ma ‘o ritorno
ire già n’ommo si nun murive ‘e
guerra.
‘E vvote ce vuleva n’anno sano
p’arrivà fino all’oriente.
Turnaveno cu tantu bbene ‘e Ddio
c’’a gente ancora nun sapeva
niente.
L’Eggitto na varchiata.
E chi faceva ‘a guerra ‘a sera
arrepusava
e si ‘a vinceva a doppo s’’a
cantava.
Comm’era primma nun l’aggio maie
saputo.
Mò parleno ca vonno fa na cosa,
una ‘e chelli penzate ca si
fosse overo
sulo d’’estate, a essere
sincero,
nun fosse malamente
forse pure ‘e dummeneca p’’o
spasso,
ma nu sconquasso no! Chi tene ‘o
tiempo?
Facenno ‘o giro ‘e Peppe chi t’aspetta
?
Gioacchino Ruocco
Nessun commento:
Posta un commento