martedì 10 novembre 2020

              Povero paese mio

comme te si' ridotto !

Gente ca more

ma cu ‘e ccorne rotte

ca ‘n se fanne capace

c‘’a vita e ‘a pace

s’hanno tene da cunto.

 

Nun songo  nemiche

ca tu affrunte

ad arme pare.

ca chi primmo spare

resta allerte a faccia

e chille ca so’ tuoste

e nun se vonno arrenne.

 

Chi se pretenne mò

ca manco ‘o vede

‘o nemico ‘e ogge

chi sa ‘do’ allogge

ca pure ‘o cchiù fesso

cerca d’’o scanzà

stanno a Scanzano

 

addò manche ‘e turche

e manco ‘e mericane

ce hanno pututo

quann’era ‘o tiempo ll’oro.

ca nu poco cchiù ‘ncoppa

stà sempe Quisisana

ca tutte’’e male sana.

 

Tenimme tutte ‘e ccose

nicessarie, ma po’ campamme

facenno ‘a fesaria

e nun sta attiente

ca è ‘a cosa cchiù mportante,

ca si muore  ogge

manco ‘o pataterno te fa santo.

 

Gioacchino Ruocco

da Ostia Lido     11.11.2020 h 08,50

Nessun commento:

Posta un commento