Via 'e campagne...

 

Gustave Caillebotte . A road near Naples (Da Libero Ricercatore)

Via ‘e campagna...

Quanno te lagne

ca nun te siente bbona

p’’e fatte tuie o ca nun ce ‘a faie

ca ogne tanto te ne vene una

pigliammo ‘a carruzzella

comme fanno ll’ate

e ce ne jammo

‘ngiro p’’a campagna

fino a quanno

nun te siente stanca

‘e chello ca te dico

d''o tiempo attuorno

ca nun sempe doce è

p’’e tanta addore

ca stanno dint’’a ll’aria.

 

‘A primma tratturia ca truvammo

ce fermammo

pe na cusarella

o pe nu pranzo

comme piace a te

ca quanno po’ turnanno

t’è sulo arrepusà

fore ‘o terrazzo a ll’ombra

o ‘ncopp’’o divano o dint’’o lietto

pe te fa nu suonno.

Pozzo truvà ‘e fforze pe nu vaso

o qualche ccosa ‘e cchiù si ne so capace.

 

Quann’ammo miso ‘a zecca

areto a porta

chi  vuò ca trase

si nun ‘a sfonna

comme a mariulo

ca remmore invece nun ne fanno.

 

Te voglio vedè

nu poco cchiù felice

e ca me dice ‘o bbene ca me vuò.

Ce appiccicammo ‘e vvote

e che m’’o ddice a fà

quann’io ‘o saccio.

 

Si nun t’’o dico

me faie millle ddumande.

Addò si state

che vaie facenno

e si io me trattengo

primmo ‘e te risponne

ca songo stango,

t’arragge

ca n’atu ppoco

m’appienne

comme a nu piennelo

sotto a ll’architrave

d’’o balcone.

 

gioacchinoruocco@libero.it

 

Ostia Lido   h 11.50 – 07.04.2021