Ferdinando Russo: poeta napoletano

Uno dei poeti napoletani, più famosi, é sicuramente Ferdinando Russo; egli nacque a Napoli il 25 novembre del 1866 e, ad appena 20 anni, fondò un giornaletto "Il Prometeo".

A 22 anni scrisse il "Linardo", poemetto che rieccheggiava in forme burlesche le storie dei paladini di Francia. Nel 1895 lo riscrisse con il titolo di "'O cantastorie". Ferdinando Russo scrisse molte altre raccolte, tra cui: Sunettiata (1887), Gente 'e mala vita e 'E scugnizze (1897), Le memorie di un ladro (1907) e Usi e costumi della camorra (1907). Molto prolifico, Ferdinando Russo, lo fu nel campo della canzone napoletana, dove scrisse versi come: Manella mia, 'O luciano d''o Rre, Quanno tramonta o sole, Mamma mia che vo' sape', 'E vviole e tammurriata palazzola.

I testi delle canzoni di Ferdinando Russo, forse a volte un po' monotone nei versi, trattano di amori e passioni morbosi, delusione e tradimenti, oppure son canti di malavita, che usano linguaggi da spacconi o da guappi, comunque sono canzoni che gli procureranno un gran successo.

Ferdinando Russo morì, all'età di 61 anni, il 30 gennaio 1927.


Si ricorda ai visitatori che su http://ruoccotribu.blogspot.com/ sto pubblicando "All'Inferno " di Pasquele Ruocco. Il poemetto di Ferdinando Russo 'Nparaviso diede luogo alla cosidetta "Dinina commedia napoletana" dopo che ad esso si aggiunsero quello del già citato Pasquale Ruocco e il "Purgatorio" di Raffaele Chiurazzi.

'N Paraviso

'O Pallone

Nce so' ghiuto int' 'o pallone
e pircio ve saccio a di'
tutto chello ca vedette,
e v' 'o ppozzo fa capi'.

Me mettete int' 'a canesta
miezo 'a folla ca guardava:
quaccheduno cumpateva,
quaccheduno cuffiava,

e nce fui chiù de n'amico
che dicette: -Ferdinà,
sagliatenne allegramente,
jammo! E nun t'appaurà!

Io tenevo 'a faccia janca,
v' 'o ccunfesso, sissignore;
ma pero' ve l'aggia dicere
ca nun era pe' ttimore!

Me credevo 'avè paura;
ma, guardanno 'o capitane,
alluccai: -Saglimmoncenne!
Stammo 'a mo fino a dimane!

Belli ccose! Nun v' 'e ddico,
pecché nun se ponno di' !
Pe' n'avè n'infanzia bona
jate, si nce vulit' 'i' !

Basta, jette. A mille metre
dint' 'e recchie me fiscava;
ma che fa ? Chillo spettaculo
a pparola mia, ncantava!

Cielo e nuvole. E da sotto
'a città che scumpareva,
e na tana de furmicole
ogne cosa me parave.

Ditto nfatto, 'o ppoco 'e luce
se cagnai, po' scumparette. ..
Era notte, e, abbascio, 'e strate
me parevano merlette

puntiate 'e ponte 'e fuco...
Tutto Napule, allummato,
deva idea de nu tappeto
d'oro e argiento arricamato.

Ncapo a nui redeva 'a luna,
quacche stella zenniava;
mmiezo a ll' aria doce e fina
'o pallone sciasciava. ..

-Addo jammo? Addo scennimmo?
Capità? -Ma 'o capitane
da sta recchia nun senteva!
Cu nu litro 'e rumma mmane

s' 'o veveva a surzo d'acqua;
po' pigliai nu sacco 'arena,
l'abbuccaie, 'o sbacantaie,
e, cu 'a vocca ancora chiena

de na coscia 'e pullo friddo,
s'avutai vicino a me
e dicette: -Andiamo in cielo!
Visitiamo il Re dei Re!

Nun fui cosa meza detta,
ca, che ssa', chiudenno Il'uocchie,
(nun redite, e nun dicite:
Ferdinà, tu che mpapuocchie!)

'o ccert' è ca me truvai
mmiezo 'e nnuvole fermato...
'O pallone, 'o capitane,
ogne cose era sfumato.

-Addô sto? Mannaggia 'o ciuccio!
Addô vaco? Addô m'avoto?..
Cammenammo?.. E si sprufonno?
Si me vene quacche mmoto?

Faccio un'anema e curaggio
e m'avvio chiano chianillo...
Nnanz'a me passai, vulanno
comm' 'a quaglia, n'angiulillo...

-Va, nce simmo! io murmurai;
già se vede quacche cosa. ..
Voto Il 'uocchie e veco ' o cielo
puntiato 'e fronne 'e rosa.

Voto 'e spalle, e tutt'attuorno
veco nuvole rusate;
po' na specie 'e murmurio
sento, e doppo, allummenate

veco 'e mmure 'e Paraviso
cchiù de Il'oro e cchiù d' 'o ffuoco...
Me faccio anema e curaggio
e m'accosto a poco a poco...

Pe' ttramente sbariavo
nfaccia 'o mezzo pe' ttrasi',
sento a uno che me chiamma:
-Che ffai lloco? Tu chi si?

Uh, sant' Anna, e che splennore!
Era proprio 'o Pat'Eterno
che dicette: -Torna 'nterra,
ca si no. ..vai all'Inferno!

Nun fa' troppo 'o capuzziello,
pecché 'o ssa'! Povero a tte!
-Io nun faccio -rispunnette -
niente 'e male, Pat'Etè !

-E chi si'?.. -So' Tale 'e Tale...
-E che fai? -So' nu scrittore...
-"Ferdinando arreto 'a Posta?"
Te cunosco, sissignore!

Si' nu bello mbriacone,
si nun sbaglio, Ferdinà!
Tu fai dint' 'a capa 'e morta
e po' curre a ppredecà!

-Pat'Etè, state in errore!
Io nun songo già stu tale!
Songo Ferdinando Russo,
'o pueta dialettale...

-Uh mannaggia 'o dialetto!
Pure ccà me vuô zucà ?
Comme fosse a Piedigrotta ?
Che nce si' venuto a fa'?

Vuô parlà d' 'o Paraviso?..
Va dicenno: che vuô di'?
Io te saccio buono piro! ... '
'O rispette, picceri. ...

-Ma guardate... ma sentite...
-russo russo io rispunnette -
Si nne parlo, se capisce
ca nne parlo cu rispette. ..

'O Signore me guardava!
Po' dicette: -Si' ttenace!
E cu st'anema 'e faccetta,
picceri', tu... me piace.

Mpertinente cumm'a chisto
mai nisciuno è capitato ! ...
Io so' sempre 'o stesso viecchio,
ma Ilà 'o munno s'è cagnato!

E redeva sott' 'a barba
chiano chiano, 'o vicchiariello;
po' appujannose 'o bastone:
-Jamme, miettete 'o cappiello!

-me dicette -si' vvenuto?
quacche cosa 'o bbuo vedè?
E va bè, sarai servito!
Viene sempre appriesso a me !

*****

A madonna d' 'e mandarine

Quanno ncielo n'angiulillo
nun fa chello c'ha da fa',
'o Signore int'a na cella
scura scura 'o fa nzerrà.

Po' se vota a n'ato e dice:
-Fa venì San Pietro ccà!
E San Pietro cumparisce:
-Neh, Signò, che nuvità?

-Dint' 'a cella scura scura
n'angiulillo sta nzerrato:
miettammillo a pane e acqua
pecche ha fatto nu peccato!

E San Pietro acala 'a capa
e risponne: -Sissignore!
Dice Dio: -Ma statt'attiento
ch'ha da sta' vintiquatt'ore!

L 'angiulillo, da llà dinto,
fa sentì tanta lamiente. ..
-Meh, Signò, dice San Pietro,
pe' sta vota. ..nun fa niente. ..

-Nonzignore! Accussì voglio!
Statte zitto! dice Dio;
si no ognuno se ne piglia! .
'N Paraviso cumann 'io !

E San Pietro avota 'e spalle.
Da la cella scura scura
l'angiulillo chiagne e sbatte,
dice 'e metterse paura!

Ma 'a Madonna, quanno ognuno
sta durmenno a suonne chine ,
annascuso 'e tuttequante
va e lle porta 'e mandarine'



Ferdinando RUSSO

Prossimamente ....