Forse ‘o bbene ê Ddio nun è ‘a stessa cosa

pe chesto reste n'ommo comme songo

sempe cu ‘a stessa chiocca

ca nun vò fa miracule

ca nun vò dà spettaculo

ca chello ca m’attocca

m’’o piglio, me stò zitto e m’’o mantengo

ca quanno me stengo ancora affianco a te

io me se sento 

uno ch’è pigliato

na  bbona affiaciata

che me fa ricco

ma nun s’attacca ê mmane.

 

Aiere ce aggio fatte ‘e mulignane

e a ncora addoreno

ê chella concia

c’acconciano e ne fanno

nu murzo sapurito, santo

ca m’arrecreano

e me fa jì cchiù a nnante

cu ll'anne

ca nun m’’e sente ancora

‘ncopp’ê spalle

a Ddio ringraziano

e ȃ te ca me suppuorte

senza ‘o ddà a vedè

quanno paparianno

stò ancora ‘nzieme  ȃ te.

                                                 Ostia Lido  

18.06.2021  07.15