Tienelo astrinto tu...

Tienele astritto tu

Stu dito è ancora gruosso

p’’a mano toia

ancora piccerella.

Astrignelo

quanto cchiù può

pe sta sicuro

ca io stongo

c’’o penziero a te

pe nun te lascia sulo

a nu mumento a n’ato

quanno te si stancato

‘e sta cu me.

Te guardo ogne minuto

e ‘o core ‘o ssento

ca tu staie cu mme

pure si nu me chiamme

perze dint’’e rummure

ca attuorno stanno

ca ‘a nu mumento a n’ato

ponno starse zitto

pe nu signale russo.

Ma chi te lassa

manco si me perdesse

appriesso a nu penziero

ca ‘e vvote me fa fesso

e me ne porta appriesso

addò tutto è fernuto

e nun rispongo

manco a nu saluto

e ’e chi forse canosco 

e vo’ ‘o nteresse

na sicarretta

o nu cafè ‘o barre

ma piglia ca io sgarro

addò te trovo po’ ?

me faccio fesso e po ?

Tienele astritto tu

ca nun te può fa male

e cagneme sta jurnata

a quanno stammo assieme

mo saccio chi me vò

overo bbene

e dint’’e vene

teno ‘o sangue mio.

Sia beneditto Ddio

e chi ha criato

ca senza ìe isso

io nun fosse pate.

Gioacchino Ruocco

Ostia Lido              06.06.2020 15,18