Quanno nascette Nínno a Bettlemme

Sant'Alfonso Maria De Liguori

(1696 - 1787)

Quanno nascette Nínno a Bettlemme

Era nott' e pareva miezo juorno.

Maje le Stelle - lustre e belle

Se vedetteno accossì:

E a cchíù lucente

Jett'a chíammà li Magge all'Uríente.

De pressa se scetajeno l'aucielle

Cantanno de na forma tutta nova:

Pe 'nsi agrille - co li strílle,

E zombanno a ccà e a llà;

E' nato, è nato,

Decevano, lo Dio, che nc'à críato.

Co tutto ch'era víerno, Nínno bello,

Nascetteno a míglíara rose e scíure.

Pe 'nsì o ffieno sicco e tuosto

Che fuje puosto - sott'a Te,

Se 'nfíglíulette,

E de frunnelle e scíure se vestette.

A no paese che se chíamma Ngadde,

Sciurettero le bígne e ascette l'uva.

Nínno mio sapurítíello,

Rappusciello - d'uva -sì Tu;

Ca tutt'amore

Faje doce a vocca, e po mbríache o core.

Non c'erano nemmice pe la terra,

La pecora pasceva co líone;

Co o caprette - se vedette

O líupardo pazzeà;

L'urzo e o vitíello

E co lo lupo 'npace o pecoriello.

Se rrevotaje nsomma tutt'o Munno,

Lu cielo, a terra, o mare, e tutt'í gente.

Chi dormeva - se senteva

Mpíett'o core pazzeà

Pe la priezza;

E se sonnava pace e contentezza.

Guardavano le ppecore i Pasturí,

E n'Angelo sbrannente cchíù do sole

Comparette - e le dicette:

No ve spaventate no;

Contento e riso

La terra è arreventata Paraviso.

A buie è nato ogge a Bettlemme

D'o Munno l'aspettato Sarvatore.

Dínt'í panni o trovarríte,

Nu potíte - maje sgarrà,

Arravuglíato,

E dínto a lo Presebío curcato.

A meliune l'Angíule calare

Co chiste se mettetten' a cantare:

Gloria a Dio, pace'n terra,

Nu cchíù guerra - è nato già

Lo Rre d'amore,

Che dà príezza e pace a ogni core.

Sbatteva o core mpíetto a ssí Pasture;

E l'uno 'nfaccía all'auto diceva:

Che tardammo? - Príesto, jammo,

Ca mme sento scevolì

Pe lo golio

Che tengo de vedè sso Nínno Dio.

Zombanno, comm'a cíereve ferute,

Correttero i Pasture a la Capanna;

Là trovajeno María

Co Gíuseppe e a Gioia mia;

E 'n chíllo Viso

Provajeno no muorzo 'e Paravíso.

Restajeno ncantate e boccapierte

Pe tanto tíempo senza dì parola;

Po jettanno - lacremanno

Nu suspiro pe sfocà,

Da dint'o core

Cacciajeno a míglíara atte d'amore.

Co a scusa de donare li presíente

Se jetteno azzeccanno chíano chíano.

Nínno no li refiutaje,

L'azzettaje - comm'a ddì,

Ca lle mettette

Le Mmane ncapo e li benedícette.

Píglianno confedenzía a poco a poco,

Cercajeno lícenzía a la Mamma:

Se mangiajeno li Pedille

Coi vasílle - mprímmo, e po

Chelle Manelle,

All'urtemo lo Musso e i Mascarielle.

Po assieme se mettetteno a sonare

E a cantà cu l'Angiule e Maria,

15

Co na voce - accossì doce,

Che Gesù facette: a aa...

E po chíudette

Chíll'uocchie aggraziate e s'addormette

La nonna che cantajeno mme pare

Ch'avette a esse chesta che mò dico.

Ma nfrattanto - io la canto,

Mmacenateve de stà

Co li Pasture

Vecíno a Nínno bello vuje pure.

"Viene suonno da lo Cielo,

Vien'e adduorme sso Nenníllo;

Pe pietà, ca è pecceríllo,

Viene suonno e non tardà.

Gioia bella de sto core,

Vorría suonno arreventare,

Doce, doce pe te fare

Ss'uocchíe bell'addormentà.

Ma si Tu p'esser'amato

Te si fatto Bammeníello,

Sulo amore è o sonnaríello

Che dormire te po fa.

Ment'è chesto può fa nonna,

Pe Te st'arma è arza e bona.

T'amo, t'a... Uh sta canzona

Già t'ha fatto addobeà!

T'amo Dio - Bello mio,

T'amo Gíoja, t'amo, t'a...

Cantanno poCantanno po e sonanno li Pasture

Tornajeno a le mantre nata vota:

Ma che buò ca cchíù arrecíetto

Non trovajeno ínt'a lu píetto:

A o caro Bene

Facevan' ogni poco ò va e bíene.

Lo nfierno sulamente e i peccature

Ncoccíuse comm'a ísso e ostínate

Se mettetteno appaura,

Pecchè a scura - vonno stà

Li spurteglíune,

Fujenno da lo sole li bríccune.

Io pure songo niro peccatore,

Ma non boglío esse cuoccío e ostinato.

Io non boglío cchíù peccare,

Voglio amare - voglio stà

Co Nínno bello

Comme nce sta lo voje e l'aseníello.

Nennillo mio, Tu sì sole d'amore,

Faje luce e scarfe pure o peccatore

Quanno è tutto - níro e brutto

Comm'a pece, tanno cchíù

Lo tiene mente,

E o faje arreventà bello e sbrannente.

Ma Tu mme dícíarraje ca chiagníste,

Accíò chíagnesse pure o peccatore.

Aggío tuorto - haje fosse muorto

N'ora primmo de peccà!

Tu m'aje amato,

E io pe paga t'aggío maltrattato!

A buje, uocchíe míeje, doje fontane

Avríte a fa de lagreme chíagnenno

Pe llavare - pe scarfare

Li pedíllí di Gesù;

Chi sa pracato

Decesse: via, ca t'aggío perdonato.

Víato me si agqío sta fortuna!

Che maje pozzo cchiù desiderare?

O Maria - Speranza mia,

Ment'io chíango, prega Tu:

Penza ca pure

Si fatta Mamma de li peccature.