Guagliù, facimmo ‘e serie

ca st’urdemo suspiro ‘e giuventù

m’’o vularria gudè comme cunviene.

No ca panza chiena

ca io nun songo ‘o tipo,

ma sulo p’’a gioia ‘e ce truva

ancora ogne tanto.

Ma qua’ maronne e sante.

miettete ‘a mascherina

nnante ‘a vocca

e si te siente sulo

vate cocca

c’’a casa se sta meglio.

nui piattiello ‘e pasta

chello ca t’avasta

pe fa nu suonno calmo

dint’’a notte

ca ìmmiez’’o votta votta

mò nun c’è bbuono stà.

E’ overo c’’o mangià

te fa sentì cchiù forte.

M’ancora tu può essere

si e trattiene a tanta scemità.

Pienze ‘a saluta,

ca ‘o male te fa male,

nun t’aiuta.

Ce cride o nun ce cride

cerca ‘e murì

sulo comme vo’ Ddio,

comme a Giesù Cristo

ca lasciaie ‘o tuorto

a chi n’eva bisogno

e perdunaie

a chi diceva bbene.

Ce cride o nun ce cride

quanno tiraie ‘o strillo

a ‘o munno

le scennette ‘a lengua ‘nganna

e se facette scuro tutt’attuorno.

Me metto scuorno ‘e vvote

e nun ce crede

e spero ca pruvvede

si me sente,

ma isso era buono,

io songo malamente.

Gioacchino Ruocco

Ostia Lido 15.05.2020