Si te vuò levà 'o sfizio...

 Si te vuo levà 'o sfizio

'e chistato capiccio

levatello pure

ma nun jì facenno 'mpiccie

tuorno tuorno.

Ormaie so' arrevato 

a 'e sorde 'e spicce,

a chille ca lasciae

donna Peppa

ca vengo a 'o mercato.

Me l'ha accattaie

a tanto 'o chilo

e mò me sto vennenno

a uno a uno

pe nu piatto 'e fasulo cucinato

ca manco 'o ffuoco cchiù

tengo appicciato.

cu 'a paura ca tengo

e appiccià casa

o 'e na fuga 'e gas.

E' meglio ca me staie

quanno cchiù arrasso può

ca una scustumato comme a te

nun l'aggio maie truvata

ca pure t'aggi' educata

a modo mio facenne 'e te

quase na signora

ca zambera tu ire

e zambera è rimasta

quanno te magne a pasta

senz'ausà 'a furchette,

senza'ausa curtiello

pe te magnà na mela

mentr'io m''a pelo 

e 'a taglio.

'E che parlammo ancora

si doppo n'ora ca passammo assieme

me n'esco 'e casa

pe piglià 'nfaccia

nu poco d'aria fresca

ca tra nu vierzo 'e n'ato

m'arrefresco

pe te guardà ancora

ca quanno io piglio e more

nun saccio comme faie.

Gioacchino Ruocco

Ostia Lido     17.02.2021  h 08.01